O‘zbekistonlik bokschi Ruslan Chagayevning promouteri Timur Dugazayev Nyu-York sudining Fres Okendo bo‘yicha qaroriga apellyatsiya berishini ma’lum qildi, deb xabar beradi “Olamsport.com”.
Sud nemis promouterlik kompaniyasiga Okendoga 775 ming dollar to‘lashni shart qilib qo‘ygan edi. Shuningdek, kompaniyaga Chagayev uchun bir yarim yil mobaynida jang tashkil qilish taqiqlandi, faqat Okendoga nisbatan revansh jang bunga kirmaydi.
2014-yilning iyulida Grozniyda o‘tgan jangdan keyin Okendo doping testdan o‘ta olmagan va jang tashkilotchilari unga gonorar to‘lamaslikka qaror qilgandi. Ayni paytda bokschilar jamoasi muzokara olib bormoqda.
Okendo revansh jangini istayapti. Biroq Chagayev iyulda Franchesko Pyanetta bilan jang qilishga rozi bo‘lgan. Chagayev tomoni Moskva sudiga ushbu qaror yuzasidan ariza tashlagan.
Izoh (0)