Ўзбекистонлик боксчи Руслан Чагаевнинг промоутери Тимур Дугазаев Нью-Йорк судининг Фрес Окендо бўйича қарорига апелляция беришини маълум қилди, деб хабар беради «Olamsport.com».
Суд немис промоутерлик компаниясига Окендога 775 минг доллар тўлашни шарт қилиб қўйган эди. Шунингдек, компанияга Чагаев учун бир ярим йил мобайнида жанг ташкил қилиш тақиқланди, фақат Окендога нисбатан реванш жанг бунга кирмайди.
2014 йилнинг июлида Грознийда ўтган жангдан кейин Окендо допинг тестдан ўта олмаган ва жанг ташкилотчилари унга гонорар тўламасликка қарор қилганди. Айни пайтда боксчилар жамоаси музокара олиб бормоқда.
Окендо реванш жангини истаяпти. Бироқ Чагаев июлда Франческо Пянетта билан жанг қилишга рози бўлган. Чагаев томони Москва судига ушбу қарор юзасидан ариза ташлаган.
Изоҳ (0)