Rossiya prezidenti Vladimir Putin FIFA prezidenti Yozef Blatter nomiga telegramma yo‘lladi. “TASS”ning xabar berishicha, Rossiya yetakchisi o‘z nomasida Blatterni FIFA prezidentligiga qayta saylangani bilan tabriklagan.
“Putin Blatterdagi tajriba, professionalizm va yuqori nufuz bundan keyin ham futbolning jahon bo‘ylab geografiyasi yanada kengayishi va ommaviylashuviga yordam berishiga ishonch bildirdi”, - dedi Putinning matbuot kotibi Peskov.
Peskovning so‘zlariga ko‘ra, Putin Moskva umuman FIFA bilan, xususan futbol bo‘yicha 2018-yilgi jahon chempionatiga tayyorgarlik ko‘rish bo‘yicha hamkorlik qilishdan manfaatdor va tayyor ekanligini qayd etib o‘tli.
Putinning ta’kidlashicha, Rossiya mazkur tadbir muvaffaqiyatli o‘tishi uchun barcha zarur choralarni ko‘rish niyatida. Eslatib o‘tamiz, 1998-yildan beri FIFAga rahbarlik qilib kelayotgan 79 yoshli Yozef Blatter 29-may, juma kuni tashkilot prezidentligiga qayta saylandi.
Izoh (0)