Россия президенти Владимир Путин ФИФА президенти Йозеф Блаттер номига телеграмма йўллади. «TASS»нинг хабар беришича, Россия етакчиси ўз номасида Блаттерни ФИФА президентлигига қайта сайлангани билан табриклаган.
«Путин Блаттердаги тажриба, профессионализм ва юқори нуфуз бундан кейин ҳам футболнинг жаҳон бўйлаб географияси янада кенгайиши ва оммавийлашувига ёрдам беришига ишонч билдирди», - деди Путиннинг матбуот котиби Песков.
Песковнинг сўзларига кўра, Путин Москва умуман ФИФА билан, хусусан футбол бўйича 2018 йилги жаҳон чемпионатига тайёргарлик кўриш бўйича ҳамкорлик қилишдан манфаатдор ва тайёр эканлигини қайд этиб ўтли.
Путиннинг таъкидлашича, Россия мазкур тадбир муваффақиятли ўтиши учун барча зарур чораларни кўриш ниятида. Эслатиб ўтамиз, 1998 йилдан бери ФИФАга раҳбарлик қилиб келаётган 79 ёшли Йозеф Блаттер 29 май, жума куни ташкилот президентлигига қайта сайланди.
Изоҳ (0)