Pokiston prezidentining o‘g‘lini o‘ldirish maqsadida uyushtirilgan terakt natijasida kamida uch kishi halok bo‘ldi, yana 15 kishi tan jarohati oldi. Bu haqda “RIA Novosti” xabar bermoqda.
Yaralanganlarning besh nafari politsiyachilar bo‘lib, ulardan birining ahvoli og‘ir ekanligi aytilmoqda. Portlash Sind va Belujiston viloyatlarini birlashtiruvchi magistral yoqasidagi mehmonxona oldida yuz bergan.
Politsiya ma’lumotlariga ko‘ra, portlovchi moslama mototsiklga o‘rnatilgan bo‘lgan va masofadan turib harakatga keltirilgan.
Terakt mehmonxona yaqinidan Pokiston prezidentining o‘g‘li – Sulaymon o‘tib ketayotgan vaqtda yuz bergan, biroq unga zarar yetmagan.
Izoh (0)