Малайзия яриморол қисмининг жануби-шарқий қирғоқларида Боливияга тегишли кема ҳалокатга учраганидан сўнг камида 14 киши бедарак йўқолди, деб хабар қилади «РИА Новости».
«Кемага катта тўлқинлар бир неча марта урилган, шундан кейин у ағдарилиб кетган», — деди Малайзия денгиз полицияси вакили капитан Амран Дауд.
Қум қазиб олишга мўлжалланган Ocean Line 208 кемаси Малайзиянинг Пенгеранг бандаргоҳига йўл олаётганди. Унинг бортида 15 киши бўлган, уларнинг аксар қисми Хитой фуқароларидир. Шу атрофда сузиб юрган кема бортдан тушиб кетган бир кишини қутқариб қолди. Кеманинг бошқа аъзоларини қидириш ишларига кемалар ва авиация жалб этилди.
Дауднинг сўзларига кўра, ҳодиса юз берган ҳудудда ҳукм сураётган ноқулай об-ҳаво қидирув-қутқарув ишларини мураккаблаштирмоқда.
Изоҳ (0)