Yaponiyada Kuril orollari haqida munozara olib borish uchun Rossiya prezidenti Vladimir Putin tashrifini kutishmoqda, deb xabar beradi “Gazeta.ru”.
“Siyosiy mavzuga o‘tishni va hududiy muammoni hal qilib, tinchlik sulhi tuzishni istardik. Buning uchun esa prezident Putin Yaponiyaga kelishini xohlardik. Bosh vazir Shinjo Abe bu haqda jiddiy o‘ylamoqda”, — dedi Yaponiyaning hukmron liberal-demokratik partiyasi raisi o‘rinbosari, sobiq tashqi ishlar vaziri Masaxiko Komura Davlat dumasi spikeri Sergey Narishkin bilan uchrashuvda.
Rossiya Tokio bilan 1956-yilda Yaponiya parlamenti tomonidan ratifikatsiya qilingan hujjatlar asosida muzokaralar olib borishga tayyorligini aytgan edi.
Rossiya Janubiy Kuril orollari Ikkinchi jahon urushi yakunlariga ko‘ra Sovet ittifoqining bir qismiga aylangan, degan fikrda qolmoqda.
Izoh (0)