Қозоғистоннинг www.egov.kz Электрон ҳукумат портали «Вазирнинг онлайн қабулига ёзилиш» хизматини ишга туширди, деб хабар қилади «Nur.kz».
Фойдаланувчи www.egov.kz’да рўйхатдан ўтганидан сўнг «Онлайн хизматга буюртма бериш» хизматини ва давлат ташкилотини танлайди. Бу ерда давлат ташкилотлари биринчи раҳбарларининг қабул рўйхатлари эълон қилинади. Шундан сўнг фойдаланувчи истаган кунни ҳамда видеоконференция ўтказилиши учун ўзига қулай Аҳолига хизмат кўрсатиш маркази (АХМ)ни танлаб, боғланиш учун контактларини қолдиради ва қабулга ёзилади.
Талабнома қабул қилинган ёки рад этилганлиги тўғрисидаги хабар фойдаланувчи кўрсатган электрон манзилига келади.
Қабулга ёзилган фуқаро белгиланган вақтда АХМга келиши шарт.
Изоҳ (0)