Toshkent irrigatsiya va melioratsiya institutining Buxoro filiali uchun kampus qurilishi 2015-yilda yakunlanadi. Uzbekistan Today’ning xabar berishicha, loyiha uchun Investitsiya dasturi doirasida 7 milliard so‘m ajratilgan.
Yangi oliy ta’lim muassasasini qurish uchun mahalliy kollejlardan birining binosi berilgan edi. O‘tgan yillar davomida bu yerda yangi o‘quv korpusi qurildi, yotoqxona ta’mirdan chiqarildi. Kollej ishlab chiqarish ustaxonalarining bir qismi axborot-resurs markaziga, qolgan qismi esa OTM dasturiga muvofiq o‘quv laboratoriyalarga aylantirildi va rekonstruksiya qilindi.
Bugungi kunda filialning ishlab turgan barcha bo‘linmalari zamonaviy o‘quv va laboratoriya jihozlari bilan ta’minlangan. Laboratoriyalarga eng ilg‘or kompyuter uskunalari o‘rnatilgan.
2015-yilda o‘quv korpusi rekonstruksiyasini tugallash rejalashtirilgan. Ushbu loyihaning yakuniga yetishi bilan filialni zarur o‘quv inshootlari bilan ta’minlash bilan bog‘liq masalalar to‘liq yechiladi.
Kampus rekonstruksiyasi bilan birga tajriba poligonlarini qurish ishlari ham yakuniga yetmoqda, poligonga yerni sug‘orish bo‘yicha suv tejovchi zamonaviy texnologiyalar o‘rnatilmoqda.
Shunday qilib, so‘nggi besh yilda Buxoroda ikkinchi kampus qurilishi yakuniga yetmoqda. Dastlab Buxoro muhandislik-texnologiya instituti kampusi qurilib, foydalanishga topshirilgan edi.
Izoh (0)