“Favvoralar sayli” Toshkentdagi 14 ta nuqtada bo‘lib o‘tadi

O‘zbekiston Respublikasi Vazirlar Mahkamasining 2015-yil 23-apreldagi “Toshkent va Samarqand shaharlarida joriy yilning 1-may kuni ‘Favvoralar sayli’ni yuqori saviyada o‘tkazish chora-tadbirlari to‘g‘risida”gi 33-sonli majlis bayoni ijrosini ta’minlash maqsadida Madaniyat va sport ishlari vazirining buyrug‘i qabul qilindi.

Mazkur buyruqqa asosan Toshkent shahridagi 14 ta favvoraga madaniyat va san’at namoyondalari biriktirildi. Ushbu favvoralar quyidagilar:

1. Ma’rifat markazi va Simpoziumlar saroyi kirish qismidagi favvora
2. Sayilgoh maydoni ichki qismidagi favvora
3. “Bolajon” istirohat bog‘i favvorasi
4. “Interneshnl Toshkent” (sobiq “Interkontinental”) mehmonxonasi kirish qismidagi favvora
5. Xadra maydonida yangi qurilgan favvora hamda Sirk binosiga kirish qismidagi favvora
6. Mirzo Ulug‘bek istirohat bog‘i kirish qismidagi favvora
7. Bobur ko‘chasi “Yengilsanoat” uyushmasi old kirish qismidagi favvora
8. Istiqlol san’at saroyi old maydonidagi favvora
9. Alisher Navoiy teatri kirish qismidagi favvora
10. Mustaqillik maydoni Motamsaro ona haykali orqa qismidagi favvora
11. “Lokomotiv” madaniyat va istirohat bog‘i
12. Toshkent axborot texnologiyalari universiteti hududi
13. Toshkent irrigatsiya va melioratsiya instituti hududi
14. Toshkent davlat iqtisodiyot universiteti favvorasi