«Фавворалар сайли» Тошкентдаги 14 та нуқтада бўлиб ўтади

Ўзбекистон Республикаси Вазирлар Маҳкамасининг 2015 йил 23 апрелдаги «Тошкент ва Самарқанд шаҳарларида жорий йилнинг 1 май куни ‘Фавворалар сайли’ни юқори савияда ўтказиш чора-тадбирлари тўғрисида»ги 33-сонли мажлис баёни ижросини таъминлаш мақсадида Маданият ва спорт ишлари вазирининг буйруғи қабул қилинди.

Мазкур буйруққа асосан Тошкент шаҳридаги 14 та фавворага маданият ва санъат намоёндалари бириктирилди. Ушбу фавворалар қуйидагилар:

1. Маърифат маркази ва Симпозиумлар саройи кириш қисмидаги фаввора
2. Сайилгоҳ майдони ички қисмидаги фаввора
3. «Болажон» истироҳат боғи фаввораси
4. «Интернэшнл Тошкент» (собиқ «Интерконтинентал») меҳмонхонаси кириш қисмидаги фаввора
5. Хадра майдонида янги қурилган фаввора ҳамда Цирк биносига кириш қисмидаги фаввора
6. Мирзо Улуғбек истироҳат боғи кириш қисмидаги фаввора
7. Бобур кўчаси «Енгилсаноат» уюшмаси олд кириш қисмидаги фаввора
8. Истиқлол санъат саройи олд майдонидаги фаввора
9. Алишер Навоий театри кириш қисмидаги фаввора
10. Мустақиллик майдони Мотамсаро она ҳайкали орқа қисмидаги фаввора
11. «Локомотив» маданият ва истироҳат боғи
12. Тошкент ахборот технологиялари университети ҳудуди
13. Тошкент ирригация ва мелиорация институти ҳудуди
14. Тошкент давлат иқтисодиёт университети фаввораси