Шимолий Корея раҳбари Ким Чен Ин «Инхасу» миллий оркестрининг тўрт нафар мусиқачисини қатл этишни буюргани маълум бўлди. Улар орасида ансамбль раҳбари ҳам бўлган. Уларни март ойида жосусликда айблаб отиб ташлашди, дея хабар бермоқда Meduza Yonhap агентлигига таяниб. Агентликка бу ҳақда Жанубий Корея парламенти депутати гапириб берган.
Бошқа бир депутат эса мусиқачилар Ким Чен Ин оиласига тааллуқли сирларни ошкор қилгани учун отилганини айтди. Парламентарийлар бу ҳақда разведка вакиллари орқали хабар топган.
«Инхасу» оркестрида Ким Чен Иннинг бўлажак рафиқаси куйлаган. 2013 йилда унинг баъзи мусиқачилари порнография тайёрлашда айбланиб, отиб ташлангани ҳақида хабарлар пайдо бўлган эди. Тахминларга кўра, уларни бунга алоқадор бўлган КХДР раҳбари хотинидан гумонларни узоқлаштириш учун қатл этишган.
Изоҳ (0)