Isroillik ayol Quddus (Iyerusalim)dagi avtomobillarga yoqilg‘i quyish shoxobchasidagi erkak unga tamaki berishni istamaganidan so‘ng, shoxobchani yoqib yubordi, deb xabar beradi The Jerusalim Post.
Rad javobini eshitgan ayol avvaliga keta boshladi, ammo bir necha soniyadan so‘ng qaytdi va cho‘ntagidan yondirgich (zajigalka)ni olib, avtomobilning benzin baki yonida o‘t oldirdi.
Yoqilg‘i bir lahzada gurillab yonib ketdi, lekin erkak alanga o‘chog‘idan qochishga ulgurdi. Yoqilg‘i quyish shoxobchasi xodimlari o‘z kuchlari bilan yong‘inni bartaraf etdi.
Yong‘in vaqtida avtomobil ichida ham bir kishi bo‘lgan, u sog‘lig‘iga ziyon yetmasidan oldin qochishga erishgan.
https://www.youtube.com/watch?v=Y4gt-NEGckk
Ayol voqea joyidan g‘oyib bo‘ldi, lekin keyinroq politsiya tomonidan qo‘lga olindi. Ayni vaqtda u sudni kutib, hibsda saqlanmoqda, ayol ruhiy ekspertizadan ham o‘tishi lozim.
Ayblanuvchining onasi uzoq yillardan beri qizining ruhiy zo‘riqishdan azob chekayotganini ta’kidlagan. 3-may kuni sud oldida javob beradigan ayol o‘z aybini tan olishdan bosh tortmoqchi ekanligi ham xabar qilinmoqda.
Izoh (0)