Shimoliy Koreya yetakchisi Kim Chen In Moskvadagi G‘alaba paradiga kelmaydigan bo‘ldi. Bu haqda Meduza.io xabar bermoqda.
Rossiya prezidenti matbuot kotibi Dmitriy Peskovning ma’lum qilishicha, Kim Chen In ichki ishlar bilan band bo‘lgani sabab, KXDRda qolishga qaror qilgan. “U paradga kelolmaydi, bizga diplomatik kanallar orqali shuni ma’lum qilishdi”, - dedi Peskov.
2014-yil dekabrida Rossiya prezidenti yordamchisi Yuriy Ushakov Kim Chen In Ikkinchi jahon urushidagi g‘alabaning 70 yilligi munosabati bilan “Moskvada bo‘ladigan paradda ishtirok etishni e’tiborga olayotgani haqida signallar bor”ligini bildirgandi.
Rossiyada 9-may kuni bo‘ladigan G‘alaba paradiga jahonning ko‘plab ilg‘or mamlakatlarining yetakchilari, xususan, Germaniya kansleri Angela Merkel va Buyuk Britaniya bosh vaziri Devid Kemeron ham kelishdan bosh tortgan. Ayni vaqtda, Kuba yetakchisi Raul Kastro va boshqa bir qator mamlakatlarning rahbarlari paradga kelishga rozilik bildirgan.
Izoh (0)