Matiz Rossiyada 2015-yildagi eng yaxshi avtomobil deb e’lon qilindi

Uz-Daewoo Matiz avtomobili “Rossiyadagi yil avtomobili 2015” mukofotini qo‘lga kiritdi, deya xabar bermoqda “Gazeta.uz”. 15-an’anaviy mukofot g‘oliblari 23-aprel kuni Moskvada e’lon qilindi.

Shahar avtomobillari sinfida Matiz, Rossiya avtohavaskorlari baholariga ko‘ra, Chevrolet Spark va Kia Picanto’ni ortda qoldirdi.

Eng yaxshi avtomobillar 23 ta sinf bo‘yicha “Yil yangiligi”, “Ommaviy segmentda sevimli marka” va “Premial segmentda sevimli marka” yo‘nalishlarida, shuningdek “Auto.RU afsonasi” va “Woman.ru versiyasi bo‘yicha orzudagi avtomobil” maxsus nominatsiyalarida e’lon qilindi.

Mukofot uchun Rossiyada sotiladigan jami 403 ta model bellashdi. Ovoz berishda Rossiyaning 85 ta hududidan 938,9 ming kishi qatnashdi.