Xitoy regulyatori Mercedes rusumli avtomobillari bilan tanilgan Daimler kompaniyasiga 350 million yuan (taxminan 56,5 million dollar) miqdorida jarima soldi. Bu haqda RBC.ru xabar bermoqda.
Xabar berishlaricha, avtomobil ishlab chiqaruvchi shirkat dilerlarni o‘zining ba’zi modellari, shuningdek, avtomobil ehtiyot qismlari uchun eng past narxlarni belgilashga majbur qilgani uchun jarimaga tortilgan.
Xitoy ma’murlari avtomobil bozoridagi narx siyosati bilan bog‘liq ilk jarimalarni 2014 yilda qo‘llashgandi – o‘shanda Volkswagen’ning Xitoydagi zavodi va Fiat, Chrysler’ning savdo bo‘linmalariga umumiy hisobda 46 million dollar jarima belgilangandi.
Xitoy regulyatorining qayd etishicha, monopol bitim oqibatida Szyansu viloyatida Mercedes’ning S- va E-toifadagi avtomobillari uchun eng past narxlar belgilangan.
O‘tgan yili Daimler avtomobil sotilganidan keyingi xizmat ko‘rsatish tariflarini manipulyatsiya qilishda aybdor deb topilgan, biroq jarima summasi oshkor etilmagandi.
Izoh (0)