Мексика технология институти тадқиқотчилари маст ҳайдовчини тер бўйича аниқлаш усулини ўйлаб топди, дея хабар бермоқда «3dnews.ru».
Улар ишлаб чиққан AlcoStop қурилмасида махсус датчиклар бўлиб, улар қондаги спиртнинг автомобилни бошқариш учун хавфли бўлган миқдорини аниқлайди. Датчиклар рулда, узатиш қутиси дастасида, шунингдек креслода бўлади. Агар тизим автомобилчининг мастлигини аниқласа, двигателнинг ишга тушишига йўл қўймайди.
Мажмуа смартфон ёки планшет билан улана олади. Бу ҳолда тегишли мобил дастур ҳайдовчининг ширакайфлиги ҳақида унинг қариндошлари ёки ҳамкасбларига унга ёрдам бериши учун автоматик равишда хабар юборади.
Тизим яратувчилари йил охиригача AlcoStop мажмуасини сотишни йўлга қўйиш учун стартап шакллантирмоқчи.
Изоҳ (0)