General Motors (GM) va SAIC Motor Corp o‘rtasida tashkil etilgan Xitoyning Shanghai GM kompaniyasi yangi avtomobillarni ishlab chiqish uchun keyingi besh yil davomida 100 milliard yuan (16 milliard dollar) sarflashni rejalashtiryapti. Bu haqda qo‘shma korxona rahbari Van Yunsin ma’lum qildi, deya xabar bermoqda “RIA Novosti”.
Avtozavod o‘zining 40ta model qatori paydo bo‘lmaguniga qadar, har yili 10ta yangi yoki yaxshilangan modellar uchun mablag‘ yo‘naltiradi.
Reuters’ning qayd etishicha, kompaniya Xitoy avtomobil bozorining kamida 10 foizini egallashni maqsad qilgan.
Shanghai GM bosh direktorining ma’lum qilishicha, kompaniya 2020-yilga qadar ekologik jihatdan xavfsiz avtomobillar ishlab chiqarish, xususan, 10ta yangi gibrid modelni tayyorlash uchun 26,5 milliard yuan miqdorida investitsiya kiritadi.
Ishlanmalar davomida kompaniya avtomobillarining yonilg‘i sarfi 25-30 foizga qisqarishi kutilmoqda.
Izoh (0)