“O‘zavtosanoat” kompaniyasi 2015-yilda 381,5 million dollarlik loyihalarni boshlaydi, deya xabar bermoqda “Gazeta.uz”.
O‘zbekiston Prezidenti farmoni bilan tasdiqlangan dastur mahalliy avtomobil sanoatini modernizatsiya qilish, texnik va texnologik jihatdan yangilash bo‘yicha 15 ta loyihani o‘z ichiga oladi.
Loyihalar qiymatining 245,3 million dollari mahalliy banklar kreditlari, 135,9 million dollari korxonaning o‘z mablag‘lari hisobidan qoplanadi.
Dasturga muvofiq, GM Uzbekistan QK 2015—2016-yillarda T250 platformasi bazasidagi avtomobil modelini seriyali ishlab chiqarishni tashkil qilishga 104,2 million dollar investitsiya kiritadi. “O‘zavtosanoat” shuningdek ishlab chiqairshni yangi model uchun komplekt detallarni chiqarishga moslab modernizatsiya qilishga 53,8 million dollar investitsiya kiritadi.
Izoh (0)