Buxoro sudi poraxo‘rlikda ayblanayotgan Jondor quruvchilik va milliy hunarmandchilik kolleji direktori o‘rinbosari R. Komilovaga nisbatan jinoiy ishni yopish to‘g‘risida qaror qabul qildi, deya xabar bermoqda “Vostochniy ekspress” nashri.
Qaror o‘tgan yili O‘zbekiston Respublikasi Konstitutsiyasining 22 yilligi munosabati bilan qabul qilingan amnistiya to‘g‘risidagi qonunga muvofiq chiqarildi. Biroq xuddi shu qaror bo‘yicha Komilovaga rahbar lavozimlarni egallash taqiqlandi.
Huquqni himoya qilish organlari ma’lumotlariga ko‘ra, Komilova kollej o‘quvchisidan 300 dollar pora olish vaqtida qo‘lga tushirilgan. Darslarga kelmay yurgan o‘quvchini kollejdan haydamaslik uchun direktor o‘rinbosari aynan shuncha miqdorda pul talab qilgan.
Izoh (0)