Facebook’dagi “Voditeli Tashkenta” guruhi a’zolari Toshkent ko‘chalaridan birida avtomobillar bilan yonma-yon harakatlanayotgan samolyot surati bilan bo‘lishdi. “Bu Toshkent, bizda samolyotlar ham ko‘chalarda harakatlanadi”, — deya hazilomuz izoh yozdi muallif.
Voqeaning boshqa guvohlari ham o‘zlari olgan suratlarni ilova qildi. Foydalanuvchilar hodisa yuzasidan turlicha fikrlar, taxminlar bildirdi. Chunonchi, kimdir bunga oddiy holat deb qarab, avvallari ham samolyotlar tez-tez shahar ko‘chalari orqali zavoddan aeroportga olib o‘tilganini ta’kidlagan. Ba’zilar esa buning eski surat ekanligi, hozirda kameralar o‘rnatilgan ustunlar tufayli ko‘chalarda samolyot yura olmasligini qayd etgan.
Biroq o‘zini vaziyatdan yaxshi xabardor deb atagan foydalanuvchi samolyot harakatlanishi uchun ataylab kamera va svetofor machtalari olib tashlanganini aytib o‘tdi. Uning yozishicha, suratda Il-76 aks etgan bo‘lib, uni ta’mirdan so‘ng uchirib sinovchi stansiyaga eltishmoqda.
Izoh (0)