Toshkentda o‘tgan yilning avgustida ochilgan yangi Nurafshon aylanma ko‘chasi kelajakda uzaytiriladi, deya xabar bermoqda “Gazeta.uz” poytaxt hokimiyati “Yagona buyurtmachi xizmati” injiniring kompaniyasi direktori Sobirjon Oripovga tayanib.
Nashrning eslatishicha, 5,1 kilometrlik Nurafshon ko‘chasi Olmazor tumanidagi Beruniy ko‘chasidan boshlanib, Shayxontohur tumanidagi Xurshid ko‘chasigacha davom etadi.
Loyihaning ikkinchi qismi Beruniy ko‘chasidan (“Tinchlik” metrosi) Oqtepa maydonigacha bo‘lgan yo‘lni qurishni ko‘zda tutadi.
Qurilish muddati hozircha noma’lum, ayni paytda loyihaviy va smeta hujjatlari tayyorlanmoqda. Oripov hukumat qurilishni mavjud binolar uchun minimal zarar bilan olib borishni rejalashtirayotganini ta’kidladi.
Izoh (0)