AQSH va Singapur fiziklari ayni damda jahonning eng aniq ishlovchi atom soati deb hisoblanayotgan qurilmani ishlab chiqishdi. Bu haqda, Nature Communications jurnaliga asoslanib, Livescience sayti xabar bermoqda.
Avvalgi rekordchiga nisbatan yangi soatning aniqlik ko‘rsatkichi uch barobar oshgan. Uning faoliyati stronsiy atomlarining turli energetik darajalardagi kvant o‘tishlariga asoslangan.
Olimlar yangi soatda hisob-kitobda xatolarga sabab bo‘lishi mumkin bo‘lgan qator omillar sonini qisqartirishga muvaffaq bo‘lishdi. Birinchidan, qurilmani tashqi elekromagnit nurlanish ta’siridan himoya qilish maqsadida maxsus radiatsion himoya bilan o‘ralgan. Ikkinchidan, platinali termometrlar yordamida issiqlik fluktuatsiyalarining soat ko‘rsatkichlariga ta’siri qo‘shimcha ravishda hisoblab chiqildi.
Yangi qurilma yordamida umumiy nisbiylik nazariyasi (UNN)da taxmin qilingan samara – vaqtning sekinlashishini tekshirib ko‘rish mumkin, deb hisoblanmoqda.
Izoh (0)