Taksi chaqirishning inkor etib bo‘lmaydigan o‘ziga xos muammolari doimo bo‘ladi. E’tiborsiz operator, mas’uliyatsiz yoki shunchaki yoqimsiz haydovchi va boshqa qiyinchiliklar. Biroq endi taksini operator bilan bog‘lanish zaruratisiz, manzil va mo‘ljalni uzoq va zerikarli tushuntirish hojatisiz buyurtma qilish imkoniyati bor.
Gap MyTaxi mobil dasturi va ushbu xizmat haqida bormoqda.
Dastlab, siz ismingiz, familiyangiz, elektron pochta manzilingiz va telefon raqamingizni kiritib, ro‘yxatdan o‘tishingiz lozim. Shuningdek, fotosuratingizni ilova qilsangiz ham bo‘ladi.
Keyin esa, dasturni ochsangiz, u turgan joyingizni GPS yordamida aniqlaydi va manzilingizga haydovchini jo‘natadi (unutmang, dasturdan foydalanish uchun internetga bog‘lanish zarur). Ya’ni, qayerdaligingizni va u yerga qanday borish kerakligini tushuntirib o‘tirishingiz shart emas. Haydovchining o‘zi sizni xaritada ko‘radi.
Dastur sizga mashina va haydovchi haqida kerakli ma’lumotni taqdim etadi. U yerda haydovchining nomi, reytingi, mashina rusumi va raqami keltiriladi. Masalan men ko‘pincha operator mashina yuborilganini ma’lum qilgach, aytilgan raqamni unutib qo‘yaman. Bu yerda esa siz doimo dasturga qarab, raqamni ko‘rib olishingiz mumkin.
Bundan tashqari, siz istagan vaqtingizda chaqirilgan mashina qayerda ekanligini ko‘rib turishingiz mumkin. Shunday ekan, haydovchi aslida uzoqda bo‘lsa ham, “uch daqiqada boraman” qabilidagi usullar bu yerda ish bermaydi.
Mashinaga o‘tirishingiz bilan haydovchi o‘tirish vaqtini va boriladigan manzilni kiritadi, qolgan ishlarni dasturning o‘zi bajaradi. Qancha masofa va qancha vaqtda bosib o‘tilganini ko‘rsatib turadi. Bu juda qulay, shuningdek ba’zi haydovchilarning masofani oshirib aytishi ham bu yerda o‘tmaydi.
Manzilga yetganda haydovchi smartfoningizdagi ma’lumot bilan bir xil bo‘lgan summani aytadi. Hammasi to‘g‘ri hisoblanganiga ishonch hosil qilishingiz uchun raqamlarni taqqoslab ko‘rishingiz mumkin. Albatta, ko‘rsatilgan xizmatni baholab, boshqa yo‘lovchilarga haydovchi tanlashda yordam berishingiz yoki messenjerlar, ijtimoiy tarmoqlar va elektron pochta orqali bu haqida do‘stlaringizni xabardor qilishingiz ham mumkin.
Afsuski, hozircha to‘lovni plastik kartochka orqali amalga oshirish imkoniyati mumkin emas, biroq dasturchilar ushbu funksiyani ham qo‘shishga va’da bermoqda. Kamchiliklardan yana biri sifatida mashinani ma’lum paytga oldindan buyurtma qilish imkoniyati yo‘qligini ham keltirish mumkin. Biroq meni eltib qo‘ygan haydovchining so‘zlariga ko‘ra, buning zarurati yo‘q, chunki MyTaxi shaharning istalgan joyiga uzog‘i bilan 15 daqiqada yetib boradi.
Umuman olganda, ishga shu tarzda yondashish menga juda yoqdi, endi men faqat MyTaxi dasturidan foydalanaman.
Dasturni Android uchun bepul yuklab oling!
Dasturni iOS uchun bepul yuklab oling!
Oq yo‘l!Xizmatning afzalliklari:
- Joylashgan joyingizni belgilash qulayligi
- Mashina va haydovchi to‘g‘risida ma’lumot
- Mashinaning tez kelishi
- Haydovchini tanlash imkoniyati
- Ko‘rsatilgan xizmat haqida batafsil ma’lumot
- Qulay bildirishnomalar tizimi
- Tez va qulay
- Terminal yo‘q
- Ma’lum vaqt uchun oldindan mashina buyurtma qilib bo‘lmaydi
Izoh (0)