Такси чақиришнинг инкор этиб бўлмайдиган ўзига хос муаммолари доимо бўлади. Эътиборсиз оператор, масъулиятсиз ёки шунчаки ёқимсиз ҳайдовчи ва бошқа қийинчиликлар. Бироқ энди таксини оператор билан боғланиш заруратисиз, манзил ва мўлжални узоқ ва зерикарли тушунтириш ҳожатисиз буюртма қилиш имконияти бор.
Гап MyTaxi мобил дастури ва ушбу хизмат ҳақида бормоқда.
Дастлаб, сиз исмингиз, фамилиянгиз, электрон почта манзилингиз ва телефон рақамингизни киритиб, рўйхатдан ўтишингиз лозим. Шунингдек, фотосуратингизни илова қилсангиз ҳам бўлади.
Кейин эса, дастурни очсангиз, у турган жойингизни GPS ёрдамида аниқлайди ва манзилингизга ҳайдовчини жўнатади (унутманг, дастурдан фойдаланиш учун интернетга боғланиш зарур). Яъни, қаердалигингизни ва у ерга қандай бориш кераклигини тушунтириб ўтиришингиз шарт эмас. Ҳайдовчининг ўзи сизни харитада кўради.
Дастур сизга машина ва ҳайдовчи ҳақида керакли маълумотни тақдим этади. У ерда ҳайдовчининг номи, рейтинги, машина русуми ва рақами келтирилади. Масалан мен кўпинча оператор машина юборилганини маълум қилгач, айтилган рақамни унутиб қўяман. Бу ерда эса сиз доимо дастурга қараб, рақамни кўриб олишингиз мумкин.
Бундан ташқари, сиз истаган вақтингизда чақирилган машина қаерда эканлигини кўриб туришингиз мумкин. Шундай экан, ҳайдовчи аслида узоқда бўлса ҳам, «уч дақиқада бораман» қабилидаги усуллар бу ерда иш бермайди.
Машинага ўтиришингиз билан ҳайдовчи ўтириш вақтини ва бориладиган манзилни киритади, қолган ишларни дастурнинг ўзи бажаради. Қанча масофа ва қанча вақтда босиб ўтилганини кўрсатиб туради. Бу жуда қулай, шунингдек баъзи ҳайдовчиларнинг масофани ошириб айтиши ҳам бу ерда ўтмайди.
Манзилга етганда ҳайдовчи смартфонингиздаги маълумот билан бир хил бўлган суммани айтади. Ҳаммаси тўғри ҳисобланганига ишонч ҳосил қилишингиз учун рақамларни таққослаб кўришингиз мумкин. Албатта, кўрсатилган хизматни баҳолаб, бошқа йўловчиларга ҳайдовчи танлашда ёрдам беришингиз ёки мессенжерлар, ижтимоий тармоқлар ва электрон почта орқали бу ҳақида дўстларингизни хабардор қилишингиз ҳам мумкин.
Афсуски, ҳозирча тўловни пластик карточка орқали амалга ошириш имконияти мумкин эмас, бироқ дастурчилар ушбу функцияни ҳам қўшишга ваъда бермоқда. Камчиликлардан яна бири сифатида машинани маълум пайтга олдиндан буюртма қилиш имконияти йўқлигини ҳам келтириш мумкин. Бироқ мени элтиб қўйган ҳайдовчининг сўзларига кўра, бунинг зарурати йўқ, чунки MyTaxi шаҳарнинг исталган жойига узоғи билан 15 дақиқада етиб боради.
Умуман олганда, ишга шу тарзда ёндашиш менга жуда ёқди, энди мен фақат MyTaxi дастуридан фойдаланаман.
Дастурни Android учун бепул юклаб олинг!
Дастурни iOS учун бепул юклаб олинг!
Оқ йўл!Хизматнинг афзалликлари:
- Joyлашган жойингизни белгилаш қулайлиги
- Машина ва ҳайдовчи тўғрисида маълумот
- Машинанинг тез келиши
- Ҳайдовчини танлаш имконияти
- Кўрсатилган хизмат ҳақида батафсил маълумот
- Қулай билдиришномалар тизими
- Тез ва қулай
- Терминал йўқ
- Маълум вақт учун олдиндан машина буюртма қилиб бўлмайди
Изоҳ (0)