Alaska Airlines samolyoti yukxonasida odam qolib ketgani sabab favqulodda qo‘nishga majbur bo‘ldi

Alaska Airlines aviakompaniyasi yo‘lovchi samolyoti havoga ko‘tarilganiga ko‘p bo‘lmay, uning yukxonasidan baqir-chaqir va zarabalar ovozi kelganidan so‘ng shoshilinch ravishda Sietl shahri aeroportiga qaytishga majbur bo‘ldi. Bu haqda “TASS” xabar bermoqda.

“Sietldan Los-Anjeles tomon yo‘lga chiqqan samolyot havoga ko‘tarilishi bilan darhol qo‘ndi”, - deyiladi xabarda. Aeroport xodimlarining so‘zlariga ko‘ra, havo kemasini vaqtida tark etishga ulgurmagan yuk tashuvchi samolyotning yuk bo‘lmasidan qolib ketgan.

Dastlabki ma’lumotlarga ko‘ra, hodisa natijasida yuk tashuvchi jabrlanmagan. “Har holda, samolyot qo‘nib, bagaj bo‘lmasi ochilganidan so‘ng, u mustaqil ravishda samolyotdan chiqib keldi”, - dedi Sietl aeroporti vakili. Yuk tashuvchi har ehtimolga qarshi kasalxonaga yuborilgan.