Bugun,

  • USD 11095.31
  • RUB 173.84
  • EUR 10772.44

Skype’ning ishonuvchan foydalanuvchilaridan aldov yo‘li bilan pul oladigan tovlamachilar tarmog‘i Rossiya va MDHda o‘ndan ortiq ofis va bir necha yuzlab akkauntlarga ega. Bu haqda tashkilotning anonim a’zosi Rossiyadagi “Xabraxabr” hamjamiyati foydalanuvchisiga ma’lum qildi, deya xabar bermoqda TJournal.

Foto: TJournal

Foto: TJournal

Firibgarlar tarmog‘ining anonim xodimi so‘zlariga ko‘ra, ular ishlaydigan tashkilotning o‘zida Rossiyada yettita, MDH mamlakatlarida esa yana to‘rtta ofis bor. Ish smena bo‘yicha olib boriladi, uning jamoasi yetti kishidan iborat, katta ehtimol bilan, ikkinchi smenada ham shuncha kishi ishlaydi.

Loyiha ishtirokchilarining o‘zi buzilgan Skype akkauntlari va pul o‘tkazilishi so‘raladigan elektron xamyonlarning raqamlari qayerdan olinishini bilishmaydi. Asosan Qiwi xamyonlaridan foydalaniladi, chunki “Yandeks.Dengi”ning xamyonlarini “personallashtirish biroz qimmatroq”.

Tashkilot xodimlari ma’lum bir malakaga ega bo‘lishlari lozim: firibgarning so‘zlariga ko‘ra, xodimlar psixologiya bo‘yicha kamida ikkita kitob o‘qib chiqqanidan so‘ng ishga qabul qilinadi. Huquqbuzarlar ba’zan chatda avvalgi so‘zlashuv matnidan foydalanishga harakat qilishadi, biroq, bir vaqtning o‘zida uchtadan 20 nafargacha odam bilan muloqot olib borilgani sabab, har doim ham bundan samarali foydalanib bo‘lmaydi.

Nishon sifatida odatda kontaktlar ro‘yxatidan pul to‘lash qobiliyati bor kishilar tanlab olinadi: foydalanuvchining yoshi qancha katta bo‘lsa, shuncha yaxshi. Agar profilda uning yoshi ko‘rsatilmagan bo‘lsa, uning niki (taxallusi) yoki familiya va ismlarini to‘liq kiritgani uning “jiddiyligi”ni ko‘rsatib berishi mumkin.

Har bir xodim bir oyda reja bo‘yicha kamida 100 ming rubl “ishlashi” kerak, shundan 40 foizini o‘ziga maosh sifatida oladi. Agar “unumli ishlasa”, qo‘lga kiritilgan summaning 50 foizi xodimga beriladi, biroq beriladigan pul hech qachon 200 ming rubldan oshmaydi; anonim xodim buning sababini ma’lum qilmagan.

Anonim xodimning ma’lum qilishicha, bir “qurbon”dan ko‘pi bilan 14 ming rubl olish mumkin. Bu narsa ommabop elektron pul o‘tkazish tizimlarida o‘tkaziladigan pul miqdori 15 ming rubl qilib cheklangani bilan bog‘liq bo‘lishi mumkin. Agar 11 ofisning har birida 14 nafardan xodim ishlashi inobatga olinsa, bunday kompaniyaning yillik pul aylanmasi 180 million rublga teng ekanini taxmin qilish mumkin.

Xodimlarning xavfsizligini ta’minlash maqsadida VPN-bog‘lanish bilan sozlangan alohida serverlardan foydalaniladi, biroq xodimlarning o‘zini ham tuhmat qilish bilan qo‘rqitishadi.

“O‘ylashimcha, ular ko‘rayotgan xavfsizlik choralari yetarli. Har qanday holatda ham, biz bosim ostidamiz. Agar ishlamasang – senga qarshi nimadir topishadi. Yoki nimadir qilishadi… Hozir bu haqida gapirishni xohlamayman”, - dedi firibgarlik guruhining anonim a’zosi.

Anonim firibgarning so‘zlariga ko‘ra, u bu ishni e’lon orqali topgan, biroq bu e’londa nima deb yozilganini ma’lum qilishni xohlamagan.

17-mart kuni rossiyalik bloger va tadbirkor Sergey Dolya Acronis kompaniyasi PR-direktori Yekaterina Turtsevaning Skype akkaunti buzilgani haqida xabar bergandi: jinoyatchilar uning do‘stidan “Yandeks.Koshelyok”ga 15 ming rubldan pul o‘tkazishni so‘rashgan. Skype ushbu holat yuzasidan izoh berishdan bosh tortgan.

Izoh
Asosiy yangiliklar
Iqtisodiyot
Braziliya va Xitoy o‘rtasida savdoda dollardan voz kechilib, yuanga o‘tildi
Mahalliy
“O‘zgidromet” 1-aprel kuni qanday ob-havo bo‘lishini ma’lum qildi
Mahalliy
O‘zbekistonda har uchinchi ayol turmush o‘rtog‘i tomonidan o‘ziga nisbatan zo‘ravonlik sodir etilgan deb biladi