Ashaddiy o‘g‘ri Rossiyaning Kemerovo viloyati Prokopyevsk shahridagi xonadonni talagach, jinoyat joyida o‘z fotosurati hamda qilgan ishi uchun uzr so‘ralgan va politsiyaga o‘z ixtiyori bilan taslim bo‘lish haqida va’da berilgan maktubni qoldirdi. Bu haqda IIV mintaqaviy bosh qo‘mitasiga tayanib, “RIA Novosti” xabar berdi.
Uydan elektr arra va bir nechta quti sigareta o‘g‘irlagan o‘g‘ri stol ustida qoldirgan fotosuratining orqa tomoniga “Bugun o‘zim Rudnikka borib taslim bo‘laman. Iltimos, kechiring. Bu qilig‘im uchun o‘zimdan nafratlanaman”, — deya yozib qoldirdi.
Biroq bergan va’dasiga qaramay, “vijdonli o‘g‘ri” politsiyaga bormadi, buning o‘rniga yana bir jinoyatni sodir etdi — ko‘chada ketayotgan ayolning qo‘lidan sumkasini yulib olib, qochdi.
Tezkor qidiruv tadbirlari natijasida jinoyatchi — 26 yoshli mahalliy fuqaro qo‘lga olindi.
Izoh (0)