Aшaддий ўғри Россиянинг Кемерово вилояти Прокопьевск шаҳридаги хонадонни талагач, жиноят жойида ўз фотосурати ҳамда қилган иши учун узр сўралган ва полицияга ўз ихтиёри билан таслим бўлиш ҳақида ваъда берилган мактубни қолдирди. Бу ҳақда ИИВ минтақавий бош қўмитасига таяниб, «РИА Новости» хабар берди.
Уйдан электр арра ва бир нечта қути сигарета ўғирлаган ўғри стол устида қолдирган фотосуратининг орқа томонига «Бугун ўзим Рудникка бориб таслим бўламан. Илтимос, кечиринг. Бу қилиғим учун ўзимдан нафратланаман», — дея ёзиб қолдирди.
Бироқ берган ваъдасига қарамай, «виждонли ўғри» полицияга бормади, бунинг ўрнига яна бир жиноятни содир этди — кўчада кетаётган аёлнинг қўлидан сумкасини юлиб олиб, қочди.
Тезкор қидирув тадбирлари натижасида жиноятчи — 26 ёшли маҳаллий фуқаро қўлга олинди.
Изоҳ (0)