Ukraina sobiq prezidentining o‘g‘li kichik Viktor Yanukovichning dafn marosimi 25-mart, chorshanba kuni Yaltada o‘tkaziladi, deya xabar bermoqda “RIA Novosti” marhumning qrimlik do‘stlaridan biriga tayanib.

Uning aytishicha, Yanukovich o‘g‘lining jasadi ortilgan samolyot Qrimning Belbek aeroportiga 23-mart kuni yetib kelgan. Janoza 24-mart kuni Sevastopoldagi ibodatxonalardan birida bo‘lib o‘tishi rejalashtirilgan.

“Biroq bu hozircha dastlabki ma’lumot. Agar voqea atrofida o‘ta katta shov-shuv ko‘tarilsa, qarindoshlari motam marosimining vaqti va joyini o‘zgartirishi mumkin”, — deya qo‘shimcha qildi kichik Yanukovichning tanishi.

Eslatib o‘tamiz, muxolifat blokidan xalq deputati, Ukraina sobiq prezidenti safdoshi Nestor Shufrich kichik Viktor Yanukovichning o‘limini tasdiqlagan edi.

23-mart kuni avvalroq qator Ukraina OAVlari Ukraina sobiq prezidentining o‘g‘li kichik Viktor Yanukovichning Boyko‘l ko‘lidagi baxtsiz hodisa natijasida vafot etgani haqida xabar bergan, biroq bu Rossiya FVV tomonidan rad etilgan edi.