2015-yilda rossiyaliklarning 20 foizi prezident Vladimir Putinning mamlakatni inqirozdan chiqarishiga umid qilmoqda, deya xabar bermoqda “RIA Novosti” Butunrossiya jamoatchilik fikrini o‘rganish markazi o‘tkazgan so‘rov natijalariga tayanib.
Shu bilan birga, aholining 14 foizi oylik, pensiya va hayot darajasi o‘sishini kutmoqda, 13 foizi esa Ukraina bilan aloqalarning yo‘lga tushib, ushbu mamlakatdagi urush tugashiga umid bog‘lamoqda.
Putinning o‘tgan yilgi faoliyatiga baho berar ekan, so‘rov ishtirokchilari prezidentning muvaffaqiyatlari sifatida avvalambor mamlakatdagi barqarorlik, tashqi siyosiy muvaffaqiyatlar va G‘arb sanksiyalariga javoblar, Rossiyaning dunyodagi o‘rni mustahkamlanishini e’tirof etdi.
Rossiyaliklar fikricha, prezidentning muvaffaqiyatsizliklari ichida birinchi o‘rinda narxlar o‘sishi turibdi (12%); 6% aholi o‘tgan yilgi daromadlarning past darajasi va kam maoshlarni Putinning omadsizligiga yo‘ymoqda.
Izoh (0)