2015 йилда россияликларнинг 20 фоизи президент Владимир Путиннинг мамлакатни инқироздан чиқаришига умид қилмоқда, дея хабар бермоқда «РИА Новости» Бутунроссия жамоатчилик фикрини ўрганиш маркази ўтказган сўров натижаларига таяниб.
Шу билан бирга, аҳолининг 14 фоизи ойлик, пенсия ва ҳаёт даражаси ўсишини кутмоқда, 13 фоизи эса Украина билан алоқаларнинг йўлга тушиб, ушбу мамлакатдаги уруш тугашига умид боғламоқда.
Путиннинг ўтган йилги фаолиятига баҳо берар экан, сўров иштирокчилари президентнинг муваффақиятлари сифатида авваламбор мамлакатдаги барқарорлик, ташқи сиёсий муваффақиятлар ва Ғарб санкцияларига жавоблар, Россиянинг дунёдаги ўрни мустаҳкамланишини эътироф этди.
Россияликлар фикрича, президентнинг муваффақиятсизликлари ичида биринчи ўринда нархлар ўсиши турибди (12%); 6% аҳоли ўтган йилги даромадларнинг паст даражаси ва кам маошларни Путиннинг омадсизлигига йўймоқда.
Изоҳ (0)