AQSh prezidenti Barak Obama har yili amerikalik soliq to‘lovchilarning millionlab dollarlarini oilasi bilan dam olishga sarflaydi, deya xabar bermoqda “Rossiyskaya gazeta”. Judical Watch monitoring tashkiloti ma’lumotlariga ko‘ra, 2014-yilda Gavayida qishki ta’tilni o‘tkazishning o‘ziga Obama 3,7 milliondan ortiq mablag‘ sarfladi.
Kuzatuvchilar AQSh harbiy havo kuchlari tomonidan taqdim etilgan ma’lumotlarga asoslanmoqda. Rasmiy hujjatlarga muvofiq, prezident samolyotining bir soatlik parvozi amerikalik soliq to‘lovchilarga 206 ming dollarga tushadi. Vashingtondan Gavayigacha esa to‘qqiz soat parvoz qilinadi.
Amerikalik jurnalistlar eslatishicha, Gavayida dam olish Obamalar oilasi uchun yillik an’anaga aylanib qolgan. 2014-yilda oila yettinchi bor orolga tashrif buyurgan edi.
Izoh (0)