Rossiya prezidenti matbuot kotibi Dmitriy Peskov Vladimir Putinning xastaligi haqidagi xabarlarni rad etdi. Peskov Bloomberg agentligiga Putin mutlaq sog‘lom ekanligini ma’lum qildi, deb yozadi “RBK”.
“Prezident o‘zini yaxshi his qilmoqda”, — dedi Peskov. Uning ta’kidlashicha, Rossiya, Qozog‘iston va Belarus prezidentlarining Ostonada bo‘lib o‘tishi rejalashtirilgan uchrashuvi “uch yetakchining qaroriga ko‘ra bir necha kundan so‘ng o‘tkaziladi”.
11-mart kuni Reuters Qozog‘iston hukumatidagi manbasiga tayanib, Ostonadagi uchrashuv bo‘lmasligini xabar qilgan edi. “Tashrif bekor qilindi, Putin kasal bo‘lib qolganga o‘xshaydi”, — degan edi agentlik o‘z manbasiga tayanib.
Izoh (0)