Isroil bosh vaziri Binyamin Netanyaxu AQShga, o‘z so‘zlari bilan aytganda, “tarixiy missiya” uchun uchib ketdi, bundan asosiy maqsad Tehron bilan Eron yadro dasturi bo‘yicha bitim tuzilishiga yo‘l qo‘ymaslikdir, deb yozadi “Rossiyskaya gazeta”.
Respublikachilar hamkorligida Isroil hukumati rahbari AQSh Kongressida so‘zga chiqib, “prezident Barak Obamaning Tehron bilan muzokaralar bo‘yicha noto‘g‘ri yo‘nalish olgani” haqida gapirmoqchi.
Milliy xavfsizlik bo‘yicha AQSh prezidenti maslahatchisi Syuzan Rays Netanyaxuning Kongressda so‘zga chiqish uchun Vashingtonga kelishi AQSh va Isroil o‘rtasidagi munosabatlarga “vayronkorona ta’sir qilishi”ni ochiqdan-ochiq aytdi. AQSh davlat kotibi Jon Kerri esa Isroil bosh vazirining Eron masalasi bo‘yicha to‘g‘ri fikrlayotganiga shubha qildi.
Izoh (0)