2014-yilda ma’lumotlarning chiqib ketishi holatlari 50 foizga ko‘paydi

2014-yilda dunyoda axborotning 1500 marta chiqib ketishi kuzatildi, natijada bir milliardga yaqin ma’lumotlar qaydlari oshkor bo‘ldi. Bu haqda Gemalto kompaniyasi tomonidan tuzilgan ma’lumotlarning chiqib ketishi jiddiyligi indeksi bo‘yicha hisobotga tayanib, “Rossiyskaya gazeta” xabar berdi.

Olingan natijalar shundan guvohlik beradiki, 2013-yilga nisbatan, ma’lumotlarning chiqib ketishi holatlari 49 foizga o‘sgan, o‘g‘irlangan yoki oshkor qilingan ma’lumotlar qaydlari soni esa 78 foizga ko‘paygan.

O‘tgan yilda kiberjinoyatchilarning asosiy nishoni shaxsiy ma’lumotlar bo‘ldi — bunday hujumlar hissasiga barcha hodisalarning 54 foizi to‘g‘ri keldi. Bundan tashqari, moliyaviy axborot o‘g‘irlanishi bilan bog‘liq holatlar ham ko‘p kuzatildi.

2014-yilda ma’lumotlarning chiqib ketishi holatlari eng ko‘p chakana savdoda va moliyaviy xizmatlar sektorida sodir bo‘ldi.