2014-yilda Yaponiyada 7 yil ichida birinchi marta buklama telefonlar savdosi keskin ko‘tarilib ketdi, deya xabar bermoqda “Rossiyskaya gazeta”. Smartfonlarga bo‘lgan talab esa, aksincha, kamaydi.
Yaponiyada 2014-yilda buklama telefonlar savdosi hajmi undan oldingi yildan 5,7 foizga oshgan. O‘tgan yili mamlakatda shunday telefonlardan jami 10,58 millionta sotilgan. Shu bilan birga, 27,7 millionta smartfon sotilgan bo‘lib, bu 2013-yildagi ko‘rsatkichdan 5,3 foizga kam demakdir.
Mutaxassislar bunday holatni Yaponiyada mobil internet tariflari yuqoriligi bilan izohladi. Bundan tashqari, mamlakatda smartfonlar uchun mobil shartnomalar tuzish narxi dunyoda eng balandlaridan biridir. Biroq buklama telefonlar uchun ushbu narxlar ancha pastdir.
Izoh (0)