O‘zbekistonda Xitoyning Xiaomi kompaniyasiga tegishli Redmi Note 4G smartfoni sotila boshladi, deya xabar bermoqda “Mobinfo.uz”. Ushbu model 2014-yilning martida taqdim etilgan edi.
Xiaomi Redmi Note 4G fableti 5,5 dyuym, 1280×720 pikselli IPS-displey, 8 yadroli Mediatek MT6592 protsessori, 1 Gb tezkor va 8 Gb doimiy xotira, 13 megapikselli asosiy va 5 megapikselli old kameraga ega.
Smartfonga biryo‘la ikkita SIM-karta joylash imkoniyati mavjud. Telefon akkumulyator batareyasi sig‘imi 3200 mA/s ni tashkil etadi. Redmi Note Android 4.2 asosidagi MIUI V qobig‘ida ishlaydi.
Poytaxtdagi “Fleshka” savdo majmuasida Xiaomi Redmi Note 4G’ni (8 Gb ichki xotirali) 930 ming so‘mga xarid qilish mumkin.
Izoh (0)