Natalya Kasperskayaning InfoWatch kompaniyasiga tegishli Taiga System MChJ kiberjosuslikdan yuqori darajada himoya qilingan smartfon ishlab chiqdi, deb yozadi “RBK”. Xitoyda ishlab chiqariladigan TaigaPhone qurilmasi faqat korporativ mijozlar uchun mo‘ljallangan.
Kompaniya egalaridan biri Aleksey Nagorniy aytishicha, qurilmadan hech qanday ma’lumot — na fotosuratlar, na hujjatlar, na telefon suhbati va na joylashgan joy haqidagi axborot — foydalanuvchi ruxsatisiz chiqib ketmaydi.
Smartfon Android bazasida ishlaydi, platforma qayta ishlanib, Taiga deb nom oldi. Nagorniy so‘zlariga ko‘ra, foydalanuvchilar tizimning ba’zi komponentlarini mustaqil ravishda o‘chirib qo‘yishi mumkin bo‘ladi. “Masalan, fotokamerani yoki joylashgan joyni aniqlash funksiyasini o‘chirib qo‘yish mumkin. Yoki uni faqat qo‘ng‘iroqlashish mumkin bo‘lgan ‘g‘isht’ telefonga aylantirish mumkin”, — deya aniqlik kiritdi u.
Izoh (0)