2014 йилда Японияда 7 йил ичида биринчи марта буклама телефонлар савдоси кескин кўтарилиб кетди, дея хабар бермоқда «Российская газета». Смартфонларга бўлган талаб эса, аксинча, камайди.
Японияда 2014 йилда буклама телефонлар савдоси ҳажми ундан олдинги йилдан 5,7 фоизга ошган. Ўтган йили мамлакатда шундай телефонлардан жами 10,58 миллионта сотилган. Шу билан бирга, 27,7 миллионта смартфон сотилган бўлиб, бу 2013 йилдаги кўрсаткичдан 5,3 фоизга кам демакдир.
Мутахассислар бундай ҳолатни Японияда мобил интернет тарифлари юқорилиги билан изоҳлади. Бундан ташқари, мамлакатда смартфонлар учун мобил шартномалар тузиш нархи дунёда энг баландларидан биридир. Бироқ буклама телефонлар учун ушбу нархлар анча пастдир.
Изоҳ (0)