Twitter boshlang‘ich sahifasi dizaynini o‘zgartirdi, deya xabar bermoqda “Vesti.ru”. U foydalanuvchiga servisning aynan qanday ishlashini ko‘rgazmali tarzda namoyish etib beradi. Shu tariqa Twitter yangi foydalanuvchilar uchun tushunarliroq ko‘rinishga ega bo‘lmoqchi.
O‘tgan yilning noyabrida Twitter servisga ro‘yxatdan o‘tmasdan turib, 500 million kishi kirishini ma’lum qilgan edi. Boshlang‘ich sahifaning yangi dizayni erinayotgan yoki ikkilanayotgan kishilarni ro‘yxatdan o‘tishga undashga qaratilgan.
Ushbu sahifa eng ommabop inglizcha akkauntlar tvitlaridan iborat tasmani aks ettiradi. Twitter’ning rus tilidagi segmentida bu sahifa hozircha o‘zgarishsiz turibdi.
Izoh (0)