Internetda Samsung Galaxy S6 smartfoni haqida yangi ma’lumotlar tarqaldi, deya xabar bermoqda “Mail.ru”. Suratlarda yangi qurilmaning metalldan ishlangan korpusi aks etgan.
Nashr yozishicha, ushbu korpus iPhone 6’nikiga juda o‘xshash. Chunonchi, dinamiklar uchun o‘yiqlar shakli, naushnik uchun mo‘ljallangan teshikning joylashuvi, burchaklarining aylana shaklidaligi uni Apple mahsulotiga o‘xshash qilib qo‘ygan.
Bundan tashqari, boshqaruv elementlarining joylashtirilishi Apple’ning 2014-yilgi modellarinikiga mos tushadi.
Shu bilan birga, smartfonda Galaxy Note 4’dan meros o‘tgan ba’zi xususiyalar ham mavjud — uning korpusi chetlari sal turtib chiqqan, bu telefonning qo‘lga yaxshi ilashishini ta’minlaydi.
Izoh (0)