2014-yil insoniyatga ko‘plab qiziqarli kashfiyotlarni taqdim etdi: nimalardir bizda yaxshi taassurot qoldirdi, ba’zi ixtirolarga esa befarq qaradik. “Dekatop.com” sayti 2014-yilda qilingan eng zo‘r kashfiyotlar o‘nligini taqdim etdi.
10. Banan ko‘rmay qolishning oldini oladi
Banan tarkibidagi A vitamini ko‘rmay qolishning oldini olishi aniqlandi. Ugandalik bolalarning har kunlik ovqatlanish ratsionida bananning borligi sezilarli natijani ko‘rsatgan.
9. Selfi tayog‘i
Endilikda boshqalarning yordamida yaxshi suratga tushish ancha osonlashdi. Selfi tayog‘i chiqishi bilan xaridlar xitiga aylangani bejizga emas.
8. Aqlli uzuk
Ushbu ixtiro o‘zini smartfondan ayro tasavvur qila olmaydiganlar uchun ancha qo‘l keldi. Smartfon sumkada yoki cho‘ntakda bo‘lganda ham aqlli uzuk orqali bildirishnomalardan xabardor bo‘lib turish mumkin.
7. Ovozli buragich
Olimlar istalgan infraqizil uskunani ovoz yordamida boshqarish imkonini beruvchi ajoyib qurilmani ixtiro qilishdi.
6. Batareya quvvati hech qachon tugamaydigan smartfon
Viro smartfoni bir kunda ikki marta zaryadlantiriladigan smartfonlar sohiblari tanalarining tuzilishi haqidagi latifalarga chek qo‘ydi. Quvvati tugamaydigan smartfon ishlab chiqaruvchilar buni qanday uddalashganini ma’lum qilmagan, bu o‘zini o‘zi tiklaydigan energiya manbalari va energiya tejovchi texnologiyalar bilan bog‘liqligi taxmin qilinmoqda.
5. Ekzoskelet
Kaliforniyalik olimlar tananing pastki qismi ishlamay qolgan bemorlar uchun ekzoskelet ixtiro qildi. Bungacha ekzoskeletlardan shifoxonalardan insult bilan og‘rigan bemorlarni harakatlantirish uchun shifokorlar yordamida foydalanilgan bo‘lsa, yangi ixtirodan uyda mustaqil ravishda foydalanish mumkin. Qurilma mijozning harakatiga qarab o‘zgarib turadi.
4. Nanodvigatel
Texas universiteti tadqiqotchilar eng kichik, shu bilan birga eng tez harakatlanuvchi nanochipni ixtiro qildi. Ularning hajmi taxminan tirik organizmlar hujayralarigateng bo‘lib, ulardan masalan saraton kasalliklarini davolashda foydalanish mumkin.
3. Foldscope karton mikroskopi
Stepford universitetida esa kartondan suratni 2000 martagacha yaqinlashtira oladigan mikroskop ixtiro qilishdi. Bunda rasm aniqligi karton tarangligi evaziga yuqori darajasini saqlab qoladi. Eng qiziqarlisi esa, ushbu mikroskop yig‘iladigan materiallar 1 dollardan ham arzonroqqa tushadi.
2. Termoyadro reaktori
Termoyadro sintezi asosida ishlaydigan reaktor energiyadan foydalanishni butunlay o‘zgartirib yuborishi kutilmoqda.
1. Aqlli kosmik kema
Hindistonda 74 million dollar evaziga qurilgan “Mangalyan” sayyoralararo kosmik kemasi Rossiya, AQSh va Yevropa davlatlari apparatlaridan farqli ravishda Mars orbitasiga kirishni birinchi urinishidayoq uddaladi.
Izoh (0)