2014 йил инсониятга кўплаб қизиқарли кашфиётларни тақдим этди: нималардир бизда яхши таассурот қолдирди, баъзи ихтироларга эса бефарқ қарадик. «Dekatop.com» сайти 2014 йилда қилинган энг зўр кашфиётлар ўнлигини тақдим этди.
10. Банан кўрмай қолишнинг олдини олади
Банан таркибидаги А витамини кўрмай қолишнинг олдини олиши аниқланди. Угандалик болаларнинг ҳар кунлик овқатланиш рационида бананнинг борлиги сезиларли натижани кўрсатган.
9. Селфи таёғи
Эндиликда бошқаларнинг ёрдамида яхши суратга тушиш анча осонлашди. Селфи таёғи чиқиши билан харидлар хитига айлангани бежизга эмас.
8. Ақлли узук
Ушбу ихтиро ўзини смартфондан айро тасаввур қила олмайдиганлар учун анча қўл келди. Смартфон сумкада ёки чўнтакда бўлганда ҳам ақлли узук орқали билдиришномалардан хабардор бўлиб туриш мумкин.
7. Овозли бурагич
Олимлар исталган инфрақизил ускунани овоз ёрдамида бошқариш имконини берувчи ажойиб қурилмани ихтиро қилишди.
6. Батарея қуввати ҳеч қачон тугамайдиган смартфон
Viro смартфони бир кунда икки марта зарядлантириладиган смартфонлар соҳиблари таналарининг тузилиши ҳақидаги латифаларга чек қўйди. Қуввати тугамайдиган смартфон ишлаб чиқарувчилар буни қандай уддалашганини маълум қилмаган, бу ўзини ўзи тиклайдиган энергия манбалари ва энергия тежовчи технологиялар билан боғлиқлиги тахмин қилинмоқда.
5. Экзоскелет
Калифорниялик олимлар тананинг пастки қисми ишламай қолган беморлар учун экзоскелет ихтиро қилди. Бунгача экзоскелетлардан шифохоналардан инсулт билан оғриган беморларни ҳаракатлантириш учун шифокорлар ёрдамида фойдаланилган бўлса, янги ихтиродан уйда мустақил равишда фойдаланиш мумкин. Қурилма мижознинг ҳаракатига қараб ўзгариб туради.
4. Нанодвигатель
Техас университети тадқиқотчилар энг кичик, шу билан бирга энг тез ҳаракатланувчи наночипни ихтиро қилди. Уларнинг ҳажми тахминан тирик организмлар ҳужайраларигатенг бўлиб, улардан масалан саратон касалликларини даволашда фойдаланиш мумкин.
3. Foldscope картон микроскопи
Степфорд университетида эса картондан суратни 2000 мартагача яқинлаштира оладиган микроскоп ихтиро қилишди. Бунда расм аниқлиги картон таранглиги эвазига юқори даражасини сақлаб қолади. Энг қизиқарлиси эса, ушбу микроскоп йиғиладиган материаллар 1 доллардан ҳам арзонроққа тушади.
2. Термоядро реактори
Термоядро синтези асосида ишлайдиган реактор энергиядан фойдаланишни бутунлай ўзгартириб юбориши кутилмоқда.
1. Ақлли космик кема
Ҳиндистонда 74 миллион доллар эвазига қурилган «Мангалян» сайёралараро космик кемаси Россия, АҚШ ва Европа давлатлари аппаратларидан фарқли равишда Марс орбитасига киришни биринчи уринишидаёқ уддалади.
Изоҳ (0)