Besh yoshli ingliz bolaga sinfdoshining tug‘ilgan kuniga bormagani uchun to‘lov hisobi berildi, deya xabar bermoqda UPI.
Plimutlik Aleks Nesh 2014-yil dekabrida tog‘-chang‘i kurortida bo‘lib o‘tadigan bayramga bormoqchi edi, biroq ota-onasi so‘nggi lahzada ular bolaning buvisinikaga mehmonga borishlarini aytib, uni tug‘ilgan kunga yubormadi.
Oradan bir necha hafta o‘tib, bolakay maktabdan 15,95 funt (taxminan 24 dollar)ga yozilgan to‘lov hisobini keltirdi, u sinfdoshining onasi Juli Lorens tomonidan imzolangan edi. Ta’kidlanishicha, Lorenslar oilasi Aleksning amalga oshmagan tashrifi uchun shuncha mablag‘ sarflagan.
Aleksning otasi dastlab buni shunchaki hazil deb o‘yladi, biroq matnni o‘qib chiqqach, hisobning haqiqiy ekanligini angladi. U Lorenslar oilasini o‘g‘li bayramga bora olmasligi haqida ogohlantirmoqchi bo‘lgani, biroq ularning telefon raqamini topa olmaganini aytdi.
Aleksning ota-onasi chekni to‘lashdan bosh tortgach, Lorenslar oilasi ularni hisobni to‘lamagani uchun sudga berishga qaror qildi.
Izoh (0)