Беш ёшли инглиз болага синфдошининг туғилган кунига бормагани учун тўлов ҳисоби берилди, дея хабар бермоқда UPI.
Плимутлик Алекс Нэш 2014 йил декабрида тоғ-чанғи курортида бўлиб ўтадиган байрамга бормоқчи эди, бироқ ота-онаси сўнгги лаҳзада улар боланинг бувисиникага меҳмонга боришларини айтиб, уни туғилган кунга юбормади.
Орадан бир неча ҳафта ўтиб, болакай мактабдан 15,95 фунт (тахминан 24 доллар)га ёзилган тўлов ҳисобини келтирди, у синфдошининг онаси Жули Лоренс томонидан имзоланган эди. Таъкидланишича, Лоренслар оиласи Алекснинг амалга ошмаган ташрифи учун шунча маблағ сарфлаган.
Алекснинг отаси дастлаб буни шунчаки ҳазил деб ўйлади, бироқ матнни ўқиб чиққач, ҳисобнинг ҳақиқий эканлигини англади. У Лоренслар оиласини ўғли байрамга бора олмаслиги ҳақида огоҳлантирмоқчи бўлгани, бироқ уларнинг телефон рақамини топа олмаганини айтди.
Алекснинг ота-онаси чекни тўлашдан бош тортгач, Лоренслар оиласи уларни ҳисобни тўламагани учун судга беришга қарор қилди.
Изоҳ (0)