Muhojirlarga Rossiyadagi jismoniy va yuridik shaxslarga ishlash huquqini beruvchi yangi turdagi patent narxi 1,5 mingdan 6 ming rublgachani tashkil etadi. Bu haqda Federal migratsiya xizmati Yagona migratsiya markazi boshlig‘i Valeriy Novikovga tayanib, “Podrobno.uz” xabar berdi.
“Rossiyadagi har bir subyekt patent narxini o‘zi belgilaydi. Uning minimal qiymati 1,5 ming rubl, maksimal qiymati esa 6 ming rublga teng. Patentni 1 oydan 1 yilgacha bo‘lgan muddat uchun olish mumkin”, — dedi Novikov.
Yangi qoidalar bo‘yicha xorijiy ishchi bir mintaqada ishlash uchun patent olgach, boshqasida ishlash uchun yana yangi patent sotib olishi mumkin. Agar muhojirga patent berilmasa yoki berilgan patent bekor qilinsa, u Rossiyadan chiqib ketishi kerak, faqat bir yildan so‘nggina boshqa patent olish uchun murojaat qilishi mumkin.
Avvalroq 2015-yil 1-yanvardan Rossiya bilan vizasiz rejim o‘rnatilgan davlatlar fuqarolari Rossiya Federatsiyasiga kelganida patent asosida yuridik shaxslar va yakka tartibdagi tadbirkorlarga ishlash imkoniyatiga ega bo‘lgani xabar berilgan edi.
Izoh (0)