25-yanvar kuni Dog‘istondan Moskvaga musulmonlar uchun tabarruk narsa — Muhammad (s.a.v.) payg‘ambarning soch tolasi keltiriladi, deya xabar bermoqda “TASS” Moskvadagi Musulmonlar diniy boshqarmasiga tayanib.
Uni “Krokus Siti Xoll” konsert zalida bo‘lib o‘tadigan “Mavlud an Nabiy” bayram kechasida ko‘rish mumkin. Soch tolasi o‘zi doimiy saqlanadigan maxsus kapsulada keltiriladi. Xavfsizlik yuzasidan u qo‘shimcha ravishda shaffof oynadan qilingan konteynerga joylashtiriladi. Tabarruk buyumni kattalashtiruvchi oyna orqali ko‘rish mumkin bo‘ladi.
Mavlud an Nabiy yoki Muhammad (s.a.v.) payg‘ambarning tavallud kuni Islom oy taqvimining uchinchi oyi 12-sanasida nishonlanadi. Bu yil bayram 2—3-yanvarga to‘g‘ri keldi.
Izoh (0)