Interpol Ukraina sobiq prezidenti Viktor Yanukovichga nisbatan xalqaro qidiruv e’lon qildi. Bu haqda xalqaro politsiya tashkiloti Fransiyaning Lion shahridagi bosh qarorgohidan ma’lum qildi, deb yozadi “TASS”.
Interpol tarqatgan hujjatda aytilishicha, Ukraina sobiq prezidenti “yirik miqdordagi moliyaviy mablag‘larni o‘g‘irlaganligi hamda katta hajmda va tashkillashtirilgan guruh tarkibida moliyaviy mablag‘lar o‘g‘irlashga bosh qo‘shganligi uchun” “o‘z mamlakati so‘rovi bilan” qidirilmoqda.
Ukraina ichki ishlar vaziri Arsen Avakov o‘zining Facebook sahifasida yozishicha, Interpol xalqaro qidiruviga Viktor Yanukovichning o‘g‘li Aleksandr, sobiq bosh vazir Nikolay Azarov, sobiq sog‘liqni saqlash vaziri Raisa Bogatirova va moliya vaziri Yuriy Kolobov ham berilgan.
Izoh (0)