AQShning Oklaxoma shtati Talsa shahrida Syerra laqabli labrador kuchukcha 23 ming dollarlik ikkita nikoh uzugini yutib yubordi, deb yozadi “Korrespondent.net”.
Egasi kuchukchaning nikoh uzuklari turgan jurnal stoli atrofida aylanib yurganini, biroz vaqt o‘tib uzuklar yo‘qolib qolganini ko‘rgach, uni darhol veterinarga olib borgan.
Rentgen jonivorning oshqozonida nafaqat uzuklar, balki yana boshqa ko‘plab buyumlar — toshchalar, cho‘plar va suyakchalar borligini ko‘rsatgan.
Shifokorlar uzuklar itning oshqozoniga zarar ko‘rsatishidan xavfsirab, zudlik bilan operatsiya o‘tkazishga qaror qiladi. Syerra operatsiyadan so‘ng darhol uyiga yuborildi, u ayni paytda o‘zini yaxshi his qilmoqda.
Izoh (0)